錫菲聯主場開餐嗒拖肥

2020-07-20 09:54:56 来源:网络

今晚另兩場較早開波嘅英超賽事,力爭歐霸入場券嘅錫菲聯主場迎戰愛華頓;錫菲聯主場聯賽4連勝,對住「等收咧」嘅愛華頓勝算極高,主隊讓平半要捧上盤。

■(Now 621周二凌晨1時直播)

唔計周日晚成績,錫菲聯目前比排第6位嘅狼隊少2分,出戰來屆歐霸盃未絕望。錫菲聯近4場聯賽主場全勝,包括復賽後先後擊敗熱刺、狼隊及車路士3支前列球隊,而且上半季亦曾贏過阿仙奴及打和曼聯,唔係靠「符碌」。「拖肥」愛華頓正處「等收咧」狀態,連續4場聯賽未贏過,其中2場聯賽作客全敗兼零入球,錫菲聯讓平半,上盤值得追捧。

白禮頓大盤追素
另一場白禮頓主場對紐卡素,白禮頓數字上仲未肯定上岸,主場出擊仍要搏盡,佢哋對上3場主場先後輸畀曼聯、利物浦及曼城,雖敗不辱;紐卡素季尾冇包袱大踢開放足球,近5場聯賽總入球全開3球或以上,揀2.5球大盤啱數。(Now 622周二凌晨1時直播)