奧辛尼艾度亞迪撻着

2020-08-09 10:35:01 来源:网络

今日阿King向瑞典超埋手,重心放喺哥登堡作客鬥奧雷布洛。哥登堡近期聯賽成績堅曳,餘下球季好大機會集中火力踢盃賽;奧雷布洛今季6場主場聯賽全開半和,踢法穩陣至上,今仗半場和可作過關重心。(周日晚8時30分開賽)

老牌勁旅哥登堡對上3季聯賽都排喺中游,早排佢哋喺瑞典盃決賽擊敗馬模,奪得球會5年來首個冠軍,嚟緊目標放喺即將展開嘅歐霸外圍賽上面,聯賽方面只求護級,今季5場聯賽作客4次開半和,擺明以拉布為主。奧雷布洛向來亦踢穩陣波,今季6場主場聯賽全開半和,當中5場上半場踢成0比0,捧半和啱數。

赫根撞卡爾馬旺細盤
另外兩場同時間開波嘅瑞典超,先講榜首馬模作客科根堡。馬模聯賽6連勝喪入19球,不過當中4場有失波,今仗捧2.5球大穩陣;最後赫根主場對卡爾馬,兩軍近6次交鋒有5次開2球或以下,卡爾馬今季狀態低迷,近10場聯賽未贏過,作客必死守求1分,揀2.5球細盤啱數。