白禮頓搶分大作戰

2020-10-26 10:39:47 来源:网络

頭場英超上演護級大戰,白禮頓主場迎戰西布朗,兩支球隊今季都以護級為目標,主隊白禮頓近3場聯賽只得1分,今仗回師主場必定搶攻;開季至今未贏過嘅西布朗,面對實力接近嘅對手亦希望爭響勝鼓,預料今場雙方以進取踢法求勝,中位數2.5球大開出機會高。(Now 621周二凌晨1時30分直播)

白禮頓今季表現其實唔差,主攻踢法亦甚得球迷歡心,主場2比3不敵曼聯、作客2比4輸畀愛華頓,2場輸波都有啲唔好彩。白禮頓前線有比利時國腳李安度杜沙特領軍,射手馬奧比亦有不俗入球能力,要衝破西布朗脆弱防線不成問題,不過白禮頓亦有中堅李維士鄧克停賽,失球同樣在所難免。連盃賽在內,白禮頓今季4場主場總入球全開3球或以上,今場隨時再演入球騷。

西布朗作客唔會死守
西布朗開季頭2場先後大敗畀李斯特城、愛華頓,近期表現已漸入佳境,主場3比3打和車路士一仗更屬代表作,今次對住同級對手白禮頓,肯定希望爭取今季第1場勝仗,作客亦不會死守求和,今場勢同白禮頓鬥攻。