列斯聯轟炸聖人吼上盤

2021-02-23 09:41:08 来源:网络

今晚英超補賽,兩支中游球隊列斯聯同修咸頓齊齊求反彈!列斯聯比「修頓」多2分,論攻擊力一定係前者較強,列斯聯嘅性感踢法,正正克制住修咸頓不穩嘅後防,而且「聖人」作客不濟,近3場聯賽作客輸晒,列斯聯小讓平半,上盤可取。

(Now 621周三凌晨2時直播)

呢場波正好為準備睇兩場歐聯16強嘅球迷熱熱身,凌晨2點開波,踢完就到歐聯。佔主場之利嘅列斯聯大開大合,踢法夠醒神,一定唔會令大家睇到瞓着,領隊比爾沙每場波都非常肉緊,前鋒班福特亦交足貨,佢哋主攻嘅踢法,正正係修咸頓中後場最怕嘅對手。

修咸頓逼搶啱胃口
修咸頓雖然喜用高位逼搶,但列斯聯全民走動嘅帶波進攻戰術,反而更容易令「聖人」防守露出缺口,尤其列斯聯轉守為攻嘅速度極快,修咸頓中後場只要稍有錯誤,就好易畀對手攻入心臟地帶。

睇番修咸頓對上3場英超作客賽事,分別不敵李斯特城0比2、曼聯0比9及紐卡素2比3,高位逼搶踢法未能奏效,每場最少失兩球,導致聯賽作客3連敗,列斯聯遇疲軍當然唔會放過3分,上盤抵玩。